Bu gün ADRA-da rektor, akademik Ömər Eldarov və Almaniyanın Hamburq şəhərində yerləşən Rəssamlıq Universitetinin, Beynəlxalq Əlaqələr üzrə şöbəsinin müdiri Eike Pockrandt arasında görüş keçirildi. Görüşdə akademiyanın rəhbər heyəti iştirak etdi. Görüşdə iki universitet arasında tələbə mübadiləsi, təlimlər, birgə layihələr, universitetlərin incəsənət sahəsində əlaqələrin genişləndirilməsi və möhkəmləndirilməsi barəsində müzakirələr aparıldı. Daha sonra qonaq akademiyanın nəzdində yerləşən Muzey-Sərgi Kompleksində sərgilənən əsərlərlə tanış oldu.