2023-cü il iyul ayının 12-də Gürcüstanın Tiflis şəhərində TASA – Memarlar və Heykəltəraşlar Asossasiyasının təşkilatçılığı ilə “Heykəltəraşlıq Festivalı” çərçivəsində heykəltəraş tələbələrin müsabiqəsi keçirilmişdir. Müsabiqədə Tiflis Dövlət Rəssamlıq Akademiyasının və Azərbaycan Dövlət Rəssamlıq Akademiyasının tələbələri iştirak etmişlər. Müsabiqənin qalibləri Gürcüstan, Azərbaycan, Ukrayna, Ermənistan və Litvanın rəhbər nümayəndə heyəti tərəfindən seçilmişdir. Müsabiqədə Akademiyanın “Təsviri sənət və sənətşünaslıq” fakültəsinin “Heykəltəraşlıq” ixtisasının 7 nəfər tələbəsi — Nuridə İsmayılova, Zaur Qəhrəmanov, Aysel Nağıyeva, Gülarə Nəbiyeva, Kamilə Abasova, Mələkxanım Əliyeva, Zümrüd Abbaszadə iştirak etmişlər və diplomlarla təltif olunmuşlar.

Bu məqsədlə 2023-cü il 4-6 oktyabr tarixlərində Gürcüstanın Tiflis şəhərində “Heykəltəraş tələbələrin – Şəhər təəssüratı” adlı sərgisi keçirilmişdir.Akademiyanın 2 nəfər tələbəsi — Nuridə İsmayılova I yerin qalibi, Zaur Qəhrəmanov II yerin qalibi təyin olunmuş, diplom, 500 Lari pul mükafatı, qızıl və gümüş medallar ilə təltif olunmuşlar.