Bu gün Azərbaycan Dövlət Xalça Muzeyinin direktoru, Azərbaycan Dövlət Rəssamlıq Akademiyasının dosenti, Sənətşünaslıq üzrə fəlsəfə doktoru Şirin Məlikovanın doğum günüdür.

Şirin Məlikova çoxsaylı sərgi və konfransların iştirakçısıdır. Onun rəhbərliyi ilə bir sıra xarici muzey və təşkilatlarla sıx əlaqələr qurularaq birgə layihələr həyata keçirilir, sərgi mübadilələri aparılır, kolleksiyaların dünyaya tanıdılması və sosial sahələrdə irimiqyaslı işlər görülür. Muzey kolleksiyalarına həsr olunmuş nəfis kitab, buklet və açıqcalar müxtəlif dillərdə nəşr olunur.

Sənətşünas Şirin Məlikova 20-dən çox kitabın — yerli və beynəlxalq elmi nəşrlərin müəllifidir.

Azərbaycan Dövlət Rəssamlıq Akademiyasının kollektivi ADRA-nın əməkdaşı Şirin Məlikovanı təbrik edir, ona can sağlığı, yaradıcılıq uğurları arzulayır.