Elmi Şuranın sədri Xalq rəssamı, professor Natiq Əliyev iclası açıq elan etdi. Gündəlikdə duran məsələlər şura üzvlərinin diqqətinə çatdırıldı.
İlk növbədə Azərbaycan Dövlət Rəssamlıq Akademiyasının rektoru Natiq Əliyev əməkdar incəsənət xadimi, professor Çingiz Fərzəliyevi 80 illik yubileyi münasibətilə şura üzvləri adından təbrik etdi, fəaliyyətində uğurlar arzuladı.
Elmi Şurada “Təsviri sənət və sənətşünaslıq” fakültəsinin “İncəsənət tarixi” kafedrası üzrə I kurs magistratura səviyyəsində təhsil alan tələbələrin mövzularının təsdiq olunması, payız semestrinin imtahan sessiyasına hazırlığın vəziyyəti ilə bağlı məlumat, elmi ada təqdimat, fakültələr, kafedralar və struktur bölmələrinin əsasnamələrinin yenidən işlənməsi barədə məlumat verildi.
İclasda şuranın gündəliyində nəzərdə tutulan məsələlərlə bağlı müxtəlif təqdimatlar oldu və ADRA-nın gələcək fəaliyyəti barədə müzakirələr aparıldı. Tədrislə bağlı bir sıra məsələlər müzakirə olundu.
Yekunda müzakirə edilən məsələlərlə bağlı ümumi səsvermə ilə yekdil qərarlar qəbul olundu. İclasın sonunda ADRA-nın rektoru, Elmi Şuranın sədri, Xalq rəssamı, professor Natiq Əliyev Şura üzvlərinə tapşırıq və tövsiyyələrini verdi.