Vaqif Ucatay 22 iyun 1955-ci ildə Dəvəçi rayonunun Təkyə kəndində anadan olub. 1972-ci ildə Əzim Əzimzadə adına Azərbaycan Dövlət Rəssamlıq Məktəbinin boyakarlıq fakültəsinə qəbul olmuşdur. 1973–1975-ci illərdə Krasnoyarsk şəhərində hərbi xidmətdə olmuş, 1978-ci ildə Ə.Əzimzadə adına Azərbaycan Dövlət Rəssamlıq məktəbinin boyakarlıq fakultəsini bitirmişdir. 1981–1987-ci illərdə Sankt-Peterburqda Repin adına Rəssamlıq Akademiyasının boyakarlıq fakültəsində təhsil alıb. 1993-cü ildən Əzim Əzimzadə adına Rəssamlıq Kollecində və Azərbaycan Dövlət Rəssamlıq Akademiyasında pedaqoji fəaliyyətlə məşğul olmuşdur.

Vaqif Ucatay 1990-cı illərdən karikatura ilə ciddi məşğul olmuşdur. Əsərləri bir sıra kitab və jurnallarda çap olunub. 1993-cü ildən pedaqoq-rəssam kimi fəaliyyət göstərmişdir. Bir çox sərgilərin və müsabiqələrin iştirakçısı olmuşdur. Sənətkarın 2007-ci ildə fərdi sərgisi açılmışdır. 2006-cı ildən Azərbaycan «Karikaturaçı Rəssamlar Birliyi»nin üzvü olmuşdur. FECO (Beynəlxalq Karikaturaçılar Təşkilatları Federasiyası) Azərbaycan qrupunun üzvü olmuşdur.

2009-cu ildə azərbaycanlıların ermənilər tərəfindən soyqırımına həsr edilmiş 33 rəsmdən ibarət fərdi sərgisi keçirilib.

20 dekabr 2020-ci ildə 65 yaşında dünyasını dəyişib.

Dərin hörmət və ehtiramla anırıq.